Sunday, October 18, 2009

Д.Нацагдорж : Дөрвөн цаг



Намар

Намрын шар нар над дээр, чам дээр тусна
Найган найгах улиралд нь бид бас найгана
Буга хандгай урамдаж уул усыг баясгахад
Үхэр шар мөргөлдөн малчин хүнийг зугаацуулна

Сайхан огторгуйн дунд нимгэн цагаан үүл нүүхэд
Идэр залуус алс газрыг сонирхон сурахаар одно
Тунгалаг мөрөн зөөлөн зөөлнөөр дув дуугүй урсахад
Түүний дотроо саран мишээж янагийн үлгэрийг сэмээр өгүүлнэ

Өглөөний хяруу сувдын адил гялтгана бууралтахад
Гадаа сойсон морь бүг бүг бөн бөн чичирнэ
Гэрийн эзэн эртлэн, үнэг чоныг гөрөөлөхөөр одоход
Эхнэр хүүхэд аарц нэрж, түүнийг хүлээнэ

Урьхан хонгор салхи өвс модыг намилзуулахад
Хөгшин залуу хүмүүсийн сэтгэл бөн бөн бөмбөрнө
Шарласан модны навч хоёр нэгээ унахад
Сэтгэлийн доторх уйтгарт явдал хааяа хааяа бодогдоно.

1935 он

4 comments:

altai mountains said...

durtai shulgiin mini neg..bayarlalaa

Ганзо нь said...

Намрын шар нар над дээр чам дээр тусна
Найган найгах улиралд бид бас найгана...

Ганаа_бж said...

Setgeld ih l dotno sanagdaj baih chini. Huuhed baihdaa tseejilj baisan ch ehnii muruudiig martaagui baina shuu.

. said...

сайхан шүү